Planetamyz kosmosdan nähili görünýär? NASA taryhy suratlary paýlaşdy

NASA-nyň «Artemis II» missiýasynyň çäklerinde älem giňişligine ugradylan «Orion» gämisinden Ýer şarynyň täsin suratlary alyndy. Suratda planetamyz ilkinji seredeniňde edil Aýy ýatladýan ýarymaý görnüşinde şekillendirilipdir. Bu görnüş 1972-nji ýylda «Apollo» maksatnamasy tamamlanany bäri, adamzadyň öz planetasyny şeýle uzak aralykdan we uly göwrümde gören ilkinji pursatydyr.

«Artemis II» missiýasy 2-nji aprelde ir säher bilen ABŞ-nyň Kanaweral burnundaky kosmodromdan uçdy. Bu soňky 50 ýyldan gowrak wagtyň içinde Ýere golaý orbitanyň çäklerinden daşyna amala aşyrylan ilkinji uçarmanly uçuşdyr.

NASA-nyň paýlaşan suratlarynda Ýeriň diňe bir ýagty däl, eýsem garaňkylyga bürenen tarapyny hem görmek bolýar. Häzirki wagtda kosmos gämisi Aýa gonmazdan, erkin dolanyş traýektoriýasy boýunça hereket edýär. Geçirilýän bu ylmy gözegçilikler Aýyň we tutuş Gün ulgamynyň nähili emele gelendigine has gowy düşünmäge, şeýle hem Ýeriň hemrasynyň üstündäki kraterleri, gadymy lawa akymlaryny we dag gerişlerini giňişleýin öwrenmäge mümkinçilik berer.

Bu taryhy uçuş adamzadyň Aýa gaýtadan aýak basmagy we älem giňişligini öwrenmek boýunça täze eýýamyň başlangyjy hasaplanýar.