17-nji iýun — Çölleşmä we gurakçylyga garşy göreşmegiň bütindünýä güni

Bu halkara sene BMG-niň Baş Assambleýasy tarapyndan 1994-nji ýylda ykrar edildi we şol ýylyň 17-nji iýunynda Birleşen Milletler Guramasynyň “Çölleşmäge garşy göreş konwensiýasynyň” kabul edilmegi bilen baglanyşykly saýlandy. Häzirki wagtda bu resminama ählumumy derejede çölleşmäge garşy durmak üçin amala aşyrylýan çäreleriň hukuk we amaly esasy bolup hyzmat edýär. Ýurdumyz 1996-njy ýylda ilkinjileriň biri bolup BMG-niň bu Konwensiýasyny tassyklady.

Daşky gurşawyň howpsuzlygyna we durnukly ösüşe gönüden-göni täsir edýän bu uly meselä ünsi çekmek maksady bilen, BMG-niň Baş Assambleýasy 2010-njy ýylyň ýanwaryndan 2020-nji ýylyň dekabryna çenli döwri Çölleşmäge garşy göreşiň 10 ýyllygy diýip yglan edipdi. Bu başlangyç gurak ýerleri goramak boýunça giň gerimli çäreleriň bütin dünýäde ekologiýa medeniýetiniň has-da ýokarlanmagyna we ýaşyl zolaklaryň giňelmegine uly badalga berdi.

Häzirki wagtda her ýyl aýratyn bir ekologiýa ugruna bagyşlanyp bellenilýän bu sene adamzat jemgyýetiniň abadançylygyny we azyk howpsuzlygyny üpjün etmekde uly ähmiýete eýedir. Soňky ýyllarda ýurdumyzda çölleşmä garşy göreş we tokaý Maksatnamasynyň çäklerinde yzygiderli agaç ekilýär. “Altyn asyr” Türkmen kölüniň gurluşygy tebigaty goramak maksatlaryna ýardam edýär.

Tebigatyň çölleşme hadysasyna garşy durmak we ekoulgamlary gorap saklamak her birimiziň tebigata aýawly çemeleşmegimize baglydyr.