«Garaşsyz Watanym - Türkmenistanym» atly döredijilik bäsleşigi yglan edildi

Türkmenistanyň Garaşsyzlygynyň şanly 35 ýyllygy mynasybetli «Zaman-Türkmenistan» gazetiniň redaksiýasy we Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan ýurdumyzyň orta mekdepleriniň mugallymlarynyň arasynda «Garaşsyz Watanym - Türkmenistanym» atly döredijilik bäsleşigi yglan edildi.

• Bäsleşik ýurdumyzyň umumybilim berýän orta mekdepleriniň ýaşy 35-e çenli mugallymlarynyň arasynda geçirilýär.

• Bäsleşige gatnaşyjylar ýurdumyzyň şäherleri, şäherçeleri, obalary, taryhy ýadygärlikleri we täsin binalary, orta we ýokary okuw mekdepleri, tebigat gözellikleri, goraghanalary, dag-düzleri, derýalary, ýollary... barada anyk delillere we maglumatlara esaslanyp, publisistik makala ýazmaly.

• Bäsleşige hödürlenjek makalalar 22-nji maýdan 10-njy sentýabra çenli kabul ediler we iň gowy işlere eminler topary tarapyndan baha berler.

• Bäsleşik 18-nji sentýabrda jemlener.

• Ýeňijilere bäsleşigiň guraýjylary tarapyndan Hormat hatlary we gymmat bahaly sowgatlar gowşurylar.

Habarlaşmak üçin telefon belgiler: 28-14-05, 28-14-36.