Amazonkada seýrek görnüşli pyşbagalaryň sany artdyrylýar

Braziliýanyň Amazonka sebitinde seýrek duş gelýän pyşbagalaryň 1,5 müňden gowrak çagasy tebigatyň goýnuna — Riu-Negru derýasyna goýberildi. Žau milli seýilgähinde geçirilen bu çäre ýitip gitmek howpy astyndaky görnüşleriň populýasiýasyny dikeltmek maksadyna esaslanýar.

Taslama Ýabany tebigaty goramak jemgyýeti, "ICMBio" agentligi we ýerli ilatyň utgaşykly hyzmatdaşlygy netijesinde amala aşyryldy. Hünärmenler şeýle başlangyçlaryň sebitiň ekoulgamyny we biodürlüligini gorap saklamakda geljekde hem möhüm ähmiýete eýe boljakdygyny nygtaýarlar.