Hazar deňziniň kenarynda çagalar üçin giň gеrimli ekologiýa çäresi geçirildi

10-njy awgustda «Awaza» milli syýahatçylyk zolagynda Hazar deňziniň gününe bagyşlanan ekologiýa çäresi geçirildi. Çäräni BMG-niň Ösüş Maksatnamasy (BMGÖM), Birleşen Milletler Guramasynyň Daşky gurşaw boýunça maksatnamasy (UNEP) hem-de «Ýaş tebigatçy» jemgyýetçilik guramasy bilen bilelikde gurady.

Çäre Türkmenistanyň Daşky gurşawy goramak we Bilim ministrlikleriniň goldamagynda, şeýle hem Içeri işler we Goranmak ministrlikleriniň hünärmenleriniň gatnaşmagynda amala aşyryldy.

«Daýanç» we «Arzuw» çagalar dynç alyş we sagaldyş merkezlerinde dynç alýan çagalar üçin Hazaryň biodürlüligi we deňiz ekoulgamyny gorap saklamagyň wajyplygy barada gyzykly sapaklar geçirildi. Şeýle hem çagalar suwda howpsuzlyk, ýangyn howpsuzlygy düzgünlerini we ilkinji kömegi bermegiň esaslaryny öwrendiler.

«Hazaryň goragçylary» atly bäsleşik, döredijilik ussahanasy we ekologiýa gözegçiliginiň kämil usullary bilen tanyşlyk çäräniň gyzykly pursatlaryny döretdi. Bu ekologik çäre ýurdumyzyň ýaşlarynyň arasynda ekologiýa medeniýetini kemala getirmekde möhüm ädim boldy.